茶壶老倌到女仂屋里吃昼饭，喝得一肚个冷水。过后好几日，细香都在屋里搭家搭事，对公爹得铜壶硬谬一只好面子，说话谬一声好气，铜壶要是叫其做个么得，细香眉毛都可杀得人死。铜壶想想自己上番确实不应该，嗯个牌子做对茶壶有些得过位，就打梗介么时得还只礼，当真请茶壶过来吃餐把正得个昼饭，讨新妇得欢喜。
为里餐昼饭，铜壶老倌动得个心思得。昼饭肯定不能简级得，随便舞两只南瓜辣椒肯定不行，舞两只鸡子煎煎架个韭菜得打只汤也不行，一定要舍高。一是为讨新妇得欢喜，二也是舞得舍高茶壶老倌下番就不好意思来得。亲家老倌也不是孬银，晓得那里长期有嗯个多好东西打发也，要舍高当然容易，斫肉打酒，猪肝炒腰花，嗯都要钱，铜壶舍不得。铜壶要是大方人，上番得也谬只腌萝卜糁酒个事。
（说明：因为提示有禁用词，但事实上又没有那个词，所示分段发。）
赣公网安备 36042802000101号