都昌民谣（男女戏谑歌）
新妇得新
新妇得新，三百斤。过一夜，折（she）半斤。
夫妻两个同走路
夫妻两个同走路，走到路上弯只肚。
走到房里看（生）只崽，走到灶下（厨房）烧糟水。
走到厅里（厅堂）打爆竹。
翁婿对坐
亲家（岳父）坐上我坐下，我跟亲家说细话。
叫你只女烧灶火，睁起眼睛相（看）到我。
叫你只女捞把葱，倚（站）在园里望野老公。
怨妻歌
人家个老婆绣花又绣朵，我家个老婆吃饭不洗锅。
人家个老婆安分又守纪，我家个老婆生茬又起祸。
人家个老婆相夫又教子，我家个老婆打公还骂婆。
人家个老婆不言又不语，我家个老婆是只多嘴婆。
人家个老婆三寸小金莲，我家个老婆是只大脚婆。
人家个老婆长得像嫦娥，我家个老婆是只腌菜婆。
和尚养老婆
和尚和，担谷萝。化缘米，供（养）老婆。
老婆供得十八岁，会打花棍会做戏。
做里和尚看，和尚看得眼钟（眼睛）得眯。
无题
狗瘪一把锁，黄鳝钻蚌壳。牛瘪一炉火，滚水浸萝卜。
猪瘪一枝花，筷子督（插）软粑。要算人瘪差，老鼠进墙夹。
赣公网安备 36042802000101号